REAGIM: Jo paragjykimeve dhe sulmeve ndaj Iniciativës qytetare
Sqarojmë opinion publik që Iniciativa qytetare “Gostivari që dua”, tashmë ka bërë ftesë deri tek të gjitha subjektet politike për realizimin e takimeve më qëllim që të u’a shpalosim programin tonë për Gostivarin. Ftesa është bërë edhe për Kryetarin aktual të komunës së Gostivarit, Arben Taravari i cili ishte i ftuar edhe në panelin e mbajtur në sheshin e qytetit, por që me keqardhje konstatojmë që nuk ishte i pranishëm. Iniciativa qytetare “Gostivari që dua”, e fton edhe njëherë Taravarin për të realizuar një takim dhe për ta njoftuar nga afër me idetë dhe programin tonë. Përsërisim edhe një herë që si iniciativë jemi të hapur për bashkëpunim dhe presim që në ditët në vijim Kryetari komunës t’i përgjigjet pozitivisht ftesës sonë për të realizuar takimin. Konsiderojmë që nuk është mirë të përhapen paragjykime dhe të sulmon një iniciativë qytetare përmes mediave.

Në vijim paraqesim ftesën dërguar: LSDM, VMRO-DPMNE, BDI, ASH, BESA, ALTERNATIVA, PDSH, LEVICA dhe RDK
Me respekt;Iniciativa qytetare “Gostivari që dua”