Петицијата иницирана од Граѓанската иницијатива „Гостивар кој го сакам“, за решавање на проблемот со бездомните кучиња, продолжува да ја потпишуваат граѓаните на Гостивар. Има речиси 2000 граѓани кои ја потпишаа петицијата, додека интересот на граѓаните на Гостивар да го дадат својот потпис за решавање на овој проблем останува висок.

Мотивирани од алармантните бројки за напади на гостиварци од бездомни кучиња, Иницијативата ја презеде оваа активност. Има 73 граѓани на Гостивар кои биле нападнати и повредени од кучиња брзфомници од 2018 година – и ова се само некои од инцидентите што се официјално пријавени.

„Бараме итна имплементација на акциониот план од 5 точки кој има за цел безбедност на нашите деца, како што е формирање тим за фаќање кучиња и итна интервенција, изградба на засолниште за кучиња надвор од градот, стерилизација од сите бездомни кучиња, итна еутанизација на агресивни бездомни кучиња , како и професионално управување со депонијата Русино и управување со отпадот во градот за да се намали снабдувањето со храна за бездомни кучиња  “, рече Вјолца Бафтиу Зулбеари од Иницијатива Гостивар кој го сакам, исто така кандидат за советник на локалните избори на заедничката листа со ДУИ.

Иницијативата го повторува апелот за поддршка на петицијата со цел да се исчисти Гостивар од бездомни кучиња.